هل تحتاج إلى تحسين الصورة؟ يرجى إرسال صورة وسيتم تحسينها

مقيرط بالزيت محشي بالغرس معسل للقلب لسهرات رمضان كريم 🌛🌛
المكوّنات
للعائلة
3 كؤوس سميد متوسط
1/2 ملعقة صغيرة ملح
كأس زيت
كأس مزيج ماء +ماء الزهر حسب نوعية سميد ديالكم
الحشو :
رطل الغرس (تمر)
كمية من جلجلان محمص (سمسم)
قليل من زيت لعجنها

🍋صابلي بذوق الليمون🍋
💕المقادير
250 غرام مرغرين أو زبدة
+نصف كأس زيت+ كأس سكر ناعم+ 2 حبة بيض+3 ملاعق كبيرة عصير ليمون +فانيلا+كيس خميرة حلوى +حولي 3كوؤس ونصف فرينة(على حسب الحاجة ونوعية الفرينة )
💕٧طريقة التحضير
*نضيف كل المكونات ماعدى الفرينة و خميرة الحلوى نخلط جيدا جميع المكونات ثم نضيف خميرة الحلوى و الفرينة نصف الكمية ونلمهم بي الايد منعجنهم
* و نصف الآخر من الفرينة نزيدو غير بشوية حتى نتحصل على عجينة الصابلي طرية *بعد هدا نغطيو نصف من العجينة بي النيلون باه متشيحش والنصف الآخر نخدمو بيه *نجبو ورق الطهي نفرشه فوق طولة العمل نضع عجينة الصابلي فوقها ثم نضع فوقها ورق الطهي أخر و نحلو العجينة بي لحلال
*ثم نشكل الحلوى بي الطابع ونضعها في الفرن *كي طيب نخلوها تبرد ونلسقو حبتين مع بعض بالمعجون او بكريمة الزبدة
كريمة الزبدة
150 غرام زبدة
2 ملاعق كبار زيت
عصير حبة ليمون🍋🍋
سكر ناعم حسب الحاجة
🍋وبعدها نحضر الكلاساج بي أسهل طريقة وبي ذوق الليمون🍋 3ملاعق حليب
3ملاعق زيت
3ملاعق ماء الزهر
2ملاعق عصير ليمونة
ملون اصفر = نخلط جميع المكونات وبعدها نضيف السكر الناعم غير بشوية حتى نتحصل على قوام ماهو ثقبل بزاف ماهو خفيف بزاف *بعدها نبداو نكلاسيو الحلوى تاعنا كما موضح في الصور ونخليوهم ينشفو والتزين على حسب الذوق
صحة وعافية

قريوش
الوصفة
- 500 غ فرينة (4 كيلات) ننزع منها نصف كاس و نعوضه بالمايزينة(طحين الذرة)
- 125 غ (كيلة) سمن (او زبدة) ذايب و بارد
- 1 (حبة) بيض
- ملعقة اكل خل ابيض
- ملعقة صغيرة خميرة الحلويات
- رشة ملح
الطريقة
نخلط المكونات كلها مع بعض حتى تتجانس ثم نجمع العجينة بخليط من ماء و ماء الزهر حتى نتحصل على عجينة طرية نوعا ما، نلفها في ورق شفاف و نخليها ترتاح 15 دقيقة.

كيش رائع
العجينة
250غ فرينة
125غ زبدة مقطعة باردة
بيضة كاملة
حوالي 2 إلى 3 ملاعق كبار ماء بارد
ملح
بأطراف الأصابع حكي الفرينة الملح و الزبدة مع بعض اضيفي البيضة ثم الماء البارد .
غطي العجين ببلاستيك غداءي واتركيها ترتاح في مكان بارد مدة 30 دقيقة أو ساعة كاملة.
الحشو:
في مقلاة شوحي 3 حبات بصل مقطعة مع القليل من الزيت کي يدبال اضيفي صدر دجاج مقطع مع ثوم مبشور و معدنوس مقطع ملح فلفل أسود و اي من ( التوابل التي تفضلونها) تكملي تقلي جيدا ثم اضيفي فنجان ماء و تتركيهم على نار متوسطة حتى ينشف الماء تماما يمكن اضافة فلفل حلو مقطع رقيق او جزر مبشور...
كريمة الكيش:
3 حبات بيض صغار + علبة ياوورت طبيعي + 3
حبات جبن + معدنوس + ملعقة صغيرة خميرة
الحلوى + فلفل أسود ملح و جبن مبشور
بعد ذلك لبسي العجين في المول نتاعك ثم تحطي
الحشو وفوقها الكريمة
#0 توضع في فرن مسخن من قبل على درجة
حرارة 180 حتى تتحمر من التحت...ومن فوق

صابلي البيمو
الوصفة:
250 غ مرغرين + 2 صفار بيض و بيضة كاملة + 3 ملعقة كبيرة عسل خلطيهم مليح + 2 ملعقة كبيرة کاکاو بني +نص معلقة صغيرة خميرة كيميائية + كاس و نص بيمو مطحون (تقدري تستعملي ماكاو او اي نوع أخر ) + فرينةباش تجمعي العجينة حتى تحصلي على عجين رطب وبعدها شکلي شكل لي تحبيه و طيبيه و بعدها لصقيهم بالمربى أو الكراميل ونطليها بالشكولا وزينيهم على حسب الرغبة.

مقروط اللوز
المقادير:
-3 كيلات لوز مطحون
-كيلة اقل من ربع سكر عادي
-ملعقة كبيرة لافاني
-مبشور الليمون
-صفار بيض و حبة كاملة
-ملعقة كبيرة زبدة
-ملعقة كبيرة عسل
-ملعقة ماء الزهر
تزيين :
-شاربات
-ماء زهر نضيفله 2 ملاعق كبار سكر ناعم
-سكر ناعم لي نسكرو فيه المقروط تاعنا
طريقة
-نحمص لوز مدة 5 دقيقة فقط و نرحيه
-نضيفلو السكر و مبشور الليمون و لافاني و زبدة و لعسل وماء الزهر مع الأخير نبدى نجمع بالصفار و حبة بيض.(في كل 2 صفار بيض نزيدو بيضة كاملة )
-نعجن الكل جيدا
🥰سر نجاح مقروط اللوز :
-بعدما يجمع الكل يلزم يبات ليلة كاملة باش يطيب
-نستعمل شوية فرينة مين نبغو نخدموه حرابش اذا خفتي يلسقلك
-مدة الطهي من 5الى 10 دقيقة فقط
-طريقة التسكار :
-بعدما يبرد مليح عاد نسكروه
-سكر ناعم نضيفله لافاني غبرة
-نفوتو حبة المقروط في السيرو ثم فل سكر الناعم لازم الحبة تاع المقروط تتغطى فالسكر و نخلوها مدة 10 د تتسكر مليح مليح و نعاود نمسحو الحبة و نفوتو عليها بالصفايا معمر بالسكر .

تشاراك النقاش 😍😍
المكونات
800 غرام طحين
200 غرام زبدة طرية او سمن
50 ملل زيت
100 غرام سكر ناعم
50 غرام نشاء
ملعقة صغيرة قرفة
ملعقة صغيرة فانيليا
نصف ملعقة صغيرة خميرة كيميائية
2 ملاعق كبيرة حليب بودرة
رشة ملح
الحشو
كمية من الغرس ( عجينة التمر المرحي)
كمية من الجلجلان محمص
ملعقة صغيرة قرفة
ملعقة صغيرة فانيليا
ملعقة زيت
ملعقة كبيرة زبدة
رشة من الخميرة الكيميائية هذا السر لكي نتحصل علي حشو خفيف
طريقة التحضير
في اناء نخلط كل مكونات العجين جيدا. في كوب نضع حبة البيض و ماء الزهر و نكمل ملأ الكوب بالماء
نبدأ باضافة السوائل الى العجين تدريجيا حتى نتحصل على عجينة طرية تشبه السابليه يمكن عدم استعمال كل كمية السائل
نضع العجينة ترتاح علي الاقل مدة ساعة في الثلاجة
نحضر الحشو نخلط كل المكونات مع بعض و نعجبنها جيدا
نشكل كويرات من الحشو بوزن 15 غرام و من العجين بوزن 35 غرام و نشكل حبة الحلوى و ننقشها كما موضح في الصورة
نترك الحلوى ترتاح على الاقل ساعتين قبل طهيها و هذا السر لكي تحافظ على النقشة
ندخلها في فرن على درجة 180 درجة ثم نحمر الوجه
وألف صحة ❤️

مقروط الكوشة يذوب في الفم
المقادير:
2كيلات سميد متوسط( خاص بالمقروط)
كيلة فرينة مغربلة
مغرفة صغيرة خميرة الحلويات
رشة الملح
مغرفة صغيرة سكر
كيلة غير ربع مرغرين او زبدة وتكملي الباقي زيت
كيلة (نصف كيلة ماء ونصف كيلة ماء زهر)
الحشو:
تمر ( الغرس) مفور ومنقي مليح وشويه زبدة ورشة حليب وقرنفل مرحي وجلجلان مقلي
طريقة التحضير:
نبسس السميد والفرينة بالزبدة او المرغرين والزيت مليح نضيف رشة الملح ومغرفة صغيرة خميرة الحلويات ومغرفة صغيرة سكر ونخليه يرتاح من 1 الى6 ساعات....او حتى ليلة كاملة
بعد ما يرتاح الخليط نلمو بماء وماء الزهر وهنا نضيفو الماء بالتدريج لانو كاين سميد او فرين يتشربو الماء وكاين ليميتشربش على حساب نوعية السميد والفرينة ...(ومن الاحسن تجربي شوي من السميد تشربيه باه تعرفي يتشرب ولا ميتشربش) ونلمو غير باطراف الاصابع من غير ما نضغط عليه....نخليه يرتاح شويه حوالي 10 دقائ بدون ان ننسى نغطيه بكيس بلاستيكي وهو يرتاح لانك كي ممتغطهيش وهو يرتاح راح يتشقق لما يكون يطيب
و نلم لعجين مليح بدون الضغط او العجن ونشكول بالمول الخاص بيه ونخليه يرتاح حتى ساعة او اكثر وبعدها نطيبو في الفرن المسخن مسبقا على درجة 180درجة ونخليه حتى يتحمر من الجوانب ويتغير لونوالى الاصفر الذهبي وبعدها نشعل عليه من الفوق باه يتحمر وياخذ اللون الذهبي المحمر مدة الطهي انتاعو تستغرق من 30 الى45 على حساب نوعية الفرن ودرجة السخونية انتاعو.
بعد ما يطيب نخرجو ونرميه وهو سخون في لعسل البارد بدون مانضيف للعسل ماء الزهر لانو راح يخليه يطرى من بعد......الا في حالة كنتي راح تقدميه في نفس اليوم معليش تزيدي للعسل ماء الزهر....اما اذا كنتي راح تحتفضي بيه مدة طويلة من الاحسن تعسليه في لعسل وحدو....لان العسل يعتبر كمادة حافظة ميفسدش جررربوه ...بصحتكم.